Apirilak 30, otoitza

 Jauna, zure piztuera ospatzen dugun honetan,

gogorazten diguzu ez gaudela bakarrik.

Zure adiskidetasuna opari bat da,
eta gure artean elkartasuna eta laguntasuna sortzen ditu.

Egun honetan, irakatsiguzu elkarrekin ibiltzen,
elkarri laguntzen eta elkar maitatzen.

Gure bihotzetan pitzu zure maitasunaren su bizia,
eta egin gaitzazu bakearen eta adiskidetasunaren eramaile.
Amen

Apirilak 29, otoitza

 Jauna, piztu zaren egunean,

poza eta maitasuna gure bihotzetan piztu dituzu.

Zure argiak gure bideak argitzen ditu,
eta zure maitasunak gure bihotzak betetzen.

Eskerrik asko bizia emateagatik,
eta munduan bakea eta alaitasuna zabaltzeko aukera emateagatik.

Egunero zure maitasunean hazten lagun gaitzazu,
eta gure ingurukoekin poza partekatzen.

Amen

Apirilak 28ko otoitza

 Jauna, zure piztuera ospatzen dugun egun honetan, 

eskerrak ematen dizkizugu Aita Palau bedeinkatuagatik.

Gizon ausarta eta nekaezina izan zen,

egia bilatzen eta baztertuak defendatzen bizi izan zena.

Bere garaian bide berriak urratu zituen,

eta zure maitasunaren argia eramaten jakin zuen.

Piztu gure bihotzetan ere egia eta justiziaren gosea,

eta lagun iezaguzu Aita Palauren antzera desafiatzen,

laguntzen eta maitatzeko ausardia izaten.

Zure piztuera gure bidean argi eta indar izan dadila.

Amen

KATINDOren egoera

 Gaur gure bihotza zure aurrean jartzen dugu.

Gomako eta Katindoko haur, familia eta lagun guztiengatik otoitz egiten dugu.

Babestu iezaiezu, Jesús,

eta bidali bakea eta poza haien bihotzetara.

Ez dadila gehiago gerra izan,

eta lagundu diezaiogun elkarri bakea eraikitzen.

Zure maitasuna izan dadila gure indarra.

AITA PALAU (martxoak 20)

 

Ene Jainkoa, Bihotz osoz gogoratzen dogu AIta Palauren bizitza eta oinordekoa.

 Eskerrak emoten deutsuguz haren maitasunaren, jakintzaren eta zerbitzuaren testigantza garbiarengatik. 

Bere bidea gurean argi eta indar bihurtzeko eskatzen deutsugu, beti. 

Zure besarkada sakon eta bake santuan, hartu ezazu AIta Palauren arima.

 Guri ostera, utzi haren egintzek inspirauta munduan ongia zabaltzeko zereginean jarraitzea. 

Amen.

AITA PALAU (martxoak 20)

Ene Jainkoa maitea, Gaur, Aita Palauren heriotzaren urteurrena gogoratzen dogu. 

Eskerrak emon nahi deutsuguz, gure bihotzean beti dagoelako. 

Zaindu ezazu beraren arima zure besarkada gozoan, eta lagundu gu beti maitasunez eta ondo jokatzen. 

Zure maitasunarekin, seguru gagoz. Amen.

QUÉ BONITO- SORAYA ARNELAS